- ЁЯМбя╕П : 32.4┬░C, Bengaluru, India
- About Us
- Contact Us
2026-03-07 01:38:29
ಬೆಂಗಳೂರು ಮಹಾನಗರ ಸಾರಿಗೆ ನಿಗಮ (ಬಿಎಂಟಿಸಿ) ನಗರದಲ್ಲಿನ ಮೆಟ್ರೋ ಪ್ರಯಾಣಿಕರ ಅನುಭವವನ್ನು ಸುಧಾರಿಸಲು ಮಹತ್ವಪೂರ್ಣ ಕ್ರಮ ಕೈಗೊಂಡಿದೆ. ಪರ್ಪಲ್ ಮತ್ತು ಗ್ರೀನ್ ಲೈನ್ನ 10 ಮೆಟ್ರೋ ನಿಲ್ದಾಣಗಳಲ್ಲಿ ಹೊಸ ಬಸ್ ನಿಲ್ದಾಣಗಳನ್ನು ಪರಿಚಯಿಸಲಾಗಿದೆ. ಈ ಬದಲಾವಣೆಗಳನ್ನು ಬೆಂಗಳೂರು ಮೆಟ್ರೋ ರೈಲು ನಿಗಮ ಲಿಮಿಟೆಡ್ (ಬಿಎಂಆರ್ಸಿಎಲ್) ಮತ್ತು ಬೆಂಗಳೂರು ಸಂಚಾರ ಪೊಲೀಸರೊಂದಿಗೆ ಜಂಟಿಯಾಗಿ ಪರಿಶೀಲಿಸಿ ನಿರ್ಧರಿಸಲಾಗಿದೆ.ಹಿಂದಿನ ಕಾಲದಲ್ಲಿ ಕೆಲ ಮೆಟ್ರೋ ನಿಲ್ದಾಣಗಳಲ್ಲಿ ಬಸ್ ನಿಲ್ದಾಣಗಳು ದೂರದಲ್ಲಿದ್ದವು.
ಪ್ರಯಾಣಿಕರು ಮೆಟ್ರೋ ನಿಲ್ದಾಣದಿಂದ ಬಸ್ ನಿಲ್ದಾಣದ ಕಡೆ ಸಾಗಲು ಅಸೌಕರ್ಯವನ್ನು ಅನುಭವಿಸುತ್ತಿದ್ದರು. ಈ ಸಮಸ್ಯೆಯನ್ನು ಪರಿಹರಿಸಲು, ಇದೀಗ ಪ್ರಮುಖ ನಿಲ್ದಾಣಗಳಲ್ಲಿ ಬಸ್ ನಿಲ್ದಾಣಗಳ ಸ್ಥಳಗಳನ್ನು ಸುಧಾರಣೆ ಮಾಡಲಾಗಿದೆ.
ಮಾರ್ಗ ಬದಲಾವಣೆಗಳು:
ಟ್ರಿನಿಟಿ ಮೆಟ್ರೋ ನಿಲ್ದಾಣ: ಎಂಜಿ ರಸ್ತೆಯಿಂದ ಹಲಸೂರು ಕಡೆಗೆ ಹೋಗುವ ಪ್ರಯಾಣಿಕರಿಗೆ 'ಬಿ' ಪ್ರವೇಶದ್ವಾರದ ಬಳಿ ಹೊಸ ಬಸ್ ನಿಲ್ದಾಣವನ್ನು ಸ್ಥಾಪಿಸಲಾಗಿದೆ. ಇದು ಹೋಟೆಲ್ ಒಬೆರಾಯ್ ಎದುರು ಇದೆ.
ಹೂಡಿ ಮೆಟ್ರೋ ನಿಲ್ದಾಣ: ಸೀತಾರಾಮಪಾಳ್ಯದಿಂದ ಗರುಡಾಚಾರ್ಪಾಳ ಕಡೆಗೆ ಹೋಗುವ ಪ್ರಯಾಣಿಕರಿಗೆ 'ಬಿ' ಪ್ರವೇಶದ್ವಾರದ ಬಳಿ (ಡಿ ಮಾರ್ಟ್ ಎದುರು) ನಿಲ್ದಾಣ ವ್ಯವಸ್ಥೆ ಮಾಡಲಾಗಿದೆ.
ಮಂಜುನಾಥನಗರ: ಚಿಕ್ಕಬಿದರಕಲ್ಲು ನಿಂದ ನಾಗಸಂದ್ರು ಕಡೆಗೆ ಪ್ರಯಾಣಿಸುವವರಿಗೆ 'ಎ' ಪ್ರವೇಶದ್ವಾರದ ಬಳಿ ಹೊಸ ನಿಲ್ದಾಣ.
ಪೀಣ್ಯ: ಗೊರಗುಂಟೆಪಾಳ್ಯದಿಂದ ಕೈಗಾರಿಕಾ ಪ್ರದೇಶಕ್ಕೆ ಮತ್ತು ಹಿಂಬದಿ ದಿಕ್ಕಿಗೆ 'ಬಿ' ಪ್ರವೇಶದ್ವಾರದ ಬಳಿ ಎರಡು ಹೊಸ ನಿಲ್ದಾಣಗಳನ್ನು ಸ್ಥಾಪಿಸಲಾಗಿದೆ.
ಲಾಲ್ಬಾಗ್ ಸೌತ್ ಎಂಡ್ ಸರ್ಕಲ್: ನ್ಯಾಷನಲ್ ಕಾಲೇಜು ಮತ್ತು ಜಯನಗರ ಕಡೆಗೆ ಪ್ರಯಾಣಿಸುವವರಿಗೆ 'ಎ' ಮತ್ತು 'ಬಿ' ಪ್ರವೇಶದ್ವಾರದ ಬಳಿ ಹೊಸ ಬಸ್ ನಿಲ್ದಾಣಗಳು.
ಜೆ.ಪಿ.ನಗರ: ಬನಶಂಕರಿಯಿಂದ ಯಲಚನಹಳ್ಳಿ ಹಾಗೂ ಹಿಂಬದಿ ದಿಕ್ಕಿಗೆ 'ಸಿ' ಮತ್ತು 'ಡಿ' ಪ್ರವೇಶದ್ವಾರದ ಬಳಿ ಹೊಸ ಬಸ್ ನಿಲ್ದಾಣಗಳು.
ಕೋಣನಕುಂಟೆ ಕ್ರಾಸ್: ದೊಡ್ಡಕಲ್ಲಸಂದ್ರದಿಂದ ಯಲಚನಹಳ್ಳಿ ಮತ್ತು ಹಿಂಬದಿ ದಿಕ್ಕಿಗೆ 'ಎ' ಮತ್ತು 'ಬಿ' ಪ್ರವೇಶದ್ವಾರದ ಬಳಿ ಹೊಸ ನಿಲ್ದಾಣಗಳು.
ವರಹಳ್ಳಿ: ತಲಘಟ್ಟಪುರದಿಂದ ದೊಡ್ಡಕಲ್ಲಸಂದ್ರ ಕಡೆಗೆ ಮತ್ತು ಹಿಂಬದಿ ದಿಕ್ಕಿಗೆ ಹೊಸ ಬಸ್ ನಿಲ್ದಾಣಗಳು.
ಇತರ ಮೆಟ್ರೋ ನಿಲ್ದಾಣಗಳಲ್ಲಿ ಬಸ್ ನಿಲ್ದಾಣಗಳು ಈಗಾಗಲೇ 100 ಮೀಟರ್ ಒಳಗೆ ಲಭ್ಯವಿವೆ.ಸ್ಥಳದ ಕೊರತೆಯಿಂದ ಕೆಲವು ನಿಲ್ದಾಣಗಳಲ್ಲಿ ಹೊಸ ವ್ಯವಸ್ಥೆ ನೀಡಲಾಗುತ್ತಿಲ್ಲ.
ವಿಮಾನ ನಿಲ್ದಾಣ ಪ್ರಯಾಣಿಕರಿಗೆ ಸುಧಾರಣೆ:
ಕೆಂಪೇಗೌಡ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಹೋಗುವ ಪ್ರಯಾಣಿಕರು ಹೊಸ ವ್ಯವಸ್ಥೆಯಿಂದ ಬಹಳ ಸುಲಭವಾಗಿ ಪ್ರಯಾಣ ಮಾಡಬಹುದು. ಇದೀಗ, ಎಲ್ಲಾ ಪ್ರಮುಖ ಮೆಟ್ರೋ ನಿಲ್ದಾಣಗಳಲ್ಲಿ ವಾಯು ವಜ್ರ ಬಸ್ ನಿಲ್ದಾಣಗಳು ಲಭ್ಯವಿದ್ದು, ಪ್ರಯಾಣಿಕರು ನೇರವಾಗಿ ಬಗ್ಗೆ ಹತ್ತಬಹುದು ಅಥವಾ ಇಳಿಯಬಹುದು. ಈ ಕ್ರಮದಿಂದ ವಿಮಾನ ನಿಲ್ದಾಣಕ್ಕೆ ಬರುವವರ ಪ್ರಯಾಣ ವೇಗವಾಗಿ, ಆರಾಮದಾಯಕವಾಗಿ ಮತ್ತು ಸುಗಮವಾಗುತ್ತದೆ.
ಪತ್ರಿಕೋದ್ಯಮದಲ್ಲಿ ಮೂರು ದಶಕಗಳ ಅನುಭವ ಹೊಂದಿದ್ದು, ದೃಶ್ಯ ಮತ್ತು ಮುದ್ರಣ ಮಾಧ್ಯಮದಲ್ಲಿ ಪರಿಣಿತಿ ಪಡೆದಿದ್ದಾರೆ. ರಾಜಕೀಯ, ದೇಶ, ಅಂತಾರಾಷ್ಟ್ರೀಯ ವಿದ್ಯಾಮಾನಗಳಲ್ಲಿ ವಿಶೇಷ ಆಸಕ್ತಿ. ರಾಜಕೀಯ ವರದಿಗಾರಿಕೆಯಲ್ಲಿ ಪಳಗಿರುವ ಇವರು ಕುಳಿತಲ್ಲೇ ಸುದ್ದಿಯನ್ನು ಹೆಕ್ಕಿ ತೆಗೆಯಬಲ್ಲ ಛಾತಿ ಹೊಂದಿದ್ದಾರೆ. ಸಾಹಿತ್ಯ ವಿದ್ಯಾರ್ಥಿಯಾದ ಇವರು ಕನ್ನಡ ಮತ್ತು ಇಂಗ್ಲೀಷ್ ಸಾಹಿತ್ಯದ ವಿದ್ಯಾರ್ಥಿಯಾದ ಇವರು ಉತ್ತಮ ಓದುಗರೂ ಹೌದು.