- ЁЯМбя╕П : 33.4┬░C, Bengaluru, India
- About Us
- Contact Us
2026-03-07 02:07:36
ಮಹಾರಾಷ್ಟ್ರ: ಸಾಮಾನ್ಯವಾಗಿ 60 ವರ್ಷ ದಾಟಿದ ಮೇಲೆ ವಿಶ್ರಾಂತಿ ಜೀವನ ಬಯಸುವವರೇ ಹೆಚ್ಚು. ಆದರೆ ಮಹಾರಾಷ್ಟ್ರದ ಸತಾರಾ ಜಿಲ್ಲೆಯ ಕರಾಡ್ ನಿವಾಸಿ, 65 ವರ್ಷದ ಮಂಗಳಾ ಅಜ್ಜಿ ಅವರ ಕಥೆಯೇ ಬೇರೆ. ಇವರು ತಮ್ಮ 65ನೇ ವಯಸ್ಸಿನಲ್ಲಿ ಆಟೋ ರಿಕ್ಷಾ ಚಾಲನೆಯನ್ನು ಕಲಿಯುವ ಮೂಲಕ ಸಮಾಜದ ಸಾಂಪ್ರದಾಯಿಕ ಚೌಕಟ್ಟುಗಳನ್ನು ಮುರಿದು ಎದೆಯುಬ್ಬಿಸಿ ಬದುಕುತ್ತಿದ್ದಾರೆ.
ಮಂಗಳಾ ಅವರ ಜೀವನ ಅಷ್ಟು ಸುಲಭದ್ದಾಗಿರಲಿಲ್ಲ. ಪತಿಯ ನಿಧನದ ನಂತರ ಕೂಲಿ ಕೆಲಸ ಮಾಡಿಯೇ ನಾಲ್ಕು ಮಕ್ಕಳನ್ನು ಸಾಕಿ ಸಲಹಿದರು. ಇಂದು ಮಗ ಮಹಾರಾಷ್ಟ್ರ ಸಾರಿಗೆ ಸಂಸ್ಥೆಯಲ್ಲಿ ಚಾಲಕನಾಗಿದ್ದಾನೆ, ಹೆಣ್ಣುಮಕ್ಕಳು ವಿವಾಹವಾಗಿ ನೆಮ್ಮದಿಯಾಗಿದ್ದಾರೆ. ಆದರೂ, ಮಕ್ಕಳ ಮೇಲೆ ಹಣಕಾಸಿನ ಹೊರೆಯಾಗಬಾರದು ಮತ್ತು ತಮ್ಮ ವೈದ್ಯಕೀಯ ವೆಚ್ಚಗಳನ್ನು ತಾವೇ ಭರಿಸಬೇಕು ಎಂಬ ಉದ್ದೇಶದಿಂದ ಮಂಗಳಾ ಅಜ್ಜಿ ಆಟೋ ಓಡಿಸುವ ನಿರ್ಧಾರ ಮಾಡಿದರು.
ಕೇವಲ 15 ದಿನಗಳಲ್ಲಿ ಚಾಲನೆ ಕಲಿಕೆ!
ಮಗನ ಮಾರ್ಗದರ್ಶನದಲ್ಲಿ ಕೇವಲ 3 ದಿನಗಳಲ್ಲಿ ಆಟೋ ಯಂತ್ರದ ಕಾರ್ಯವೈಖರಿ ಕಲಿತ ಇವರು, 15 ದಿನಗಳಲ್ಲಿ ಪೂರ್ಣ ಪ್ರಮಾಣದ ಚಾಲಕಿಯಾಗಿ ಹೊರಹೊಮ್ಮಿದರು. ಪ್ರಸ್ತುತ ಇವರು ಪ್ರತಿದಿನ ಬೆಳಿಗ್ಗೆ 9 ರಿಂದ ಸಂಜೆ 6 ರವರೆಗೆ ಕರಾಡ್ ಮತ್ತು ಉಂಡಾಲೆ ನಡುವೆ ಪ್ರಯಾಣಿಕರನ್ನು ಕರೆದೊಯ್ಯುತ್ತಾರೆ.
"ಮನೆಯಲ್ಲಿ ಸುಮ್ಮನೆ ಕುಳಿತುಕೊಳ್ಳುವುದು ನನಗಿಷ್ಟವಿರಲಿಲ್ಲ. ಆಟೋ ಓಡಿಸುವುದು ನನಗೆ ಭಯ ತರುವುದಿಲ್ಲ. ರಸ್ತೆಯಲ್ಲಿ ಇತರ ಚಾಲಕರು ಕೂಡ 'ಅಜ್ಜಿ ಮೊದಲು ಹೋಗಲಿ' ಎಂದು ಗೌರವ ನೀಡುತ್ತಾರೆ. ಇದು ನನಗೆ ಕೇವಲ ಹಣವನ್ನಷ್ಟೇ ಅಲ್ಲ, ಆತ್ಮಗೌರವವನ್ನೂ ತಂದುಕೊಟ್ಟಿದೆ," ಎನ್ನುತ್ತಾರೆ ಮಂಗಳಾ ಅಜ್ಜಿ.
ಸಾಮಾಜಿಕ ಜಾಲತಾಣದಲ್ಲಿ ವೈರಲ್
ಮಂಗಳಾ ಅಜ್ಜಿ ಆಟೋ ಓಡಿಸುವ ವಿಡಿಯೋ ಇಂಟರ್ನೆಟ್ನಲ್ಲಿ ಭಾರಿ ಸದ್ದು ಮಾಡುತ್ತಿದೆ. ''ಕನಸುಗಳಿಗೆ ನಿವೃತ್ತಿ ಇಲ್ಲ, ಜನರಿಗಷ್ಟೇ ನಿವೃತ್ತಿ" ಎಂಬ ಶೀರ್ಷಿಕೆಯಡಿ ಇವರ ವಿಡಿಯೋ ಹರಿದಾಡುತ್ತಿದ್ದು, ಸಾವಿರಾರು ಜನರು ಇವರ ಧೈರ್ಯಕ್ಕೆ ಮೆಚ್ಚುಗೆ ಸೂಚಿಸಿದ್ದಾರೆ. "65ನೇ ವಯಸ್ಸಿನಲ್ಲಿ ಇವರು ಸಾಹಸ ಮಾಡಬಲ್ಲರು ಎಂದಾದರೆ, 25 ಅಥವಾ 35ರ ಹರೆಯದ ನಮಗೆ ಯಾಕೆ ಸಾಧ್ಯವಿಲ್ಲ?" ಎಂದು ಯುವಜನತೆ ಇವರನ್ನು ನೋಡಿ ಸ್ಪೂರ್ತಿ ಪಡೆಯುತ್ತಿದ್ದಾರೆ.
ದಿನಕ್ಕೆ 500 ರಿಂದ 700 ರೂಪಾಯಿ ಸಂಪಾದಿಸುವ ಇವರು, "ಪ್ರತಿಯೊಬ್ಬ ಮಹಿಳೆಯೂ ಧೈರ್ಯ ಪ್ರದರ್ಶಿಸಿ ಸ್ವಾವಲಂಬಿಯಾಗಬೇಕು"
ಪತ್ರಿಕೋದ್ಯಮದಲ್ಲಿ ಮೂರು ದಶಕಗಳ ಅನುಭವ ಹೊಂದಿದ್ದು, ದೃಶ್ಯ ಮತ್ತು ಮುದ್ರಣ ಮಾಧ್ಯಮದಲ್ಲಿ ಪರಿಣಿತಿ ಪಡೆದಿದ್ದಾರೆ. ರಾಜಕೀಯ, ದೇಶ, ಅಂತಾರಾಷ್ಟ್ರೀಯ ವಿದ್ಯಾಮಾನಗಳಲ್ಲಿ ವಿಶೇಷ ಆಸಕ್ತಿ. ರಾಜಕೀಯ ವರದಿಗಾರಿಕೆಯಲ್ಲಿ ಪಳಗಿರುವ ಇವರು ಕುಳಿತಲ್ಲೇ ಸುದ್ದಿಯನ್ನು ಹೆಕ್ಕಿ ತೆಗೆಯಬಲ್ಲ ಛಾತಿ ಹೊಂದಿದ್ದಾರೆ. ಸಾಹಿತ್ಯ ವಿದ್ಯಾರ್ಥಿಯಾದ ಇವರು ಕನ್ನಡ ಮತ್ತು ಇಂಗ್ಲೀಷ್ ಸಾಹಿತ್ಯದ ವಿದ್ಯಾರ್ಥಿಯಾದ ಇವರು ಉತ್ತಮ ಓದುಗರೂ ಹೌದು.