• 50
• 2026-03-12 16:04:08

Kumbh Mela viral girl Monalisas marriage | ಕುಂಭಮೇಳ ವೈರಲ್ ಗರ್ಲ್ ಮೋನಾಲಿಸಾ ಮದುವೆ ಚರ್ಚೆ ಮುಸ್ಲಿಂ ಯುವಕನ ಜೊತೆ ವಿವಾಹದ ಹಿಂದೆ ಇರುವ ನಿಜವಾದ ಕಥೆ ಏನ್ ಗೊತ್ತಾ | Speed News kannada

ಕುಂಭಮೇಳದಲ್ಲಿ ವೈರಲ್ ಆಗಿದ್ದ ಮೋನಾಲಿಸಾ ಮತ್ತೆ ಸುದ್ದಿಯಲ್ಲಿದ್ದಾರೆ. ಈ ಬಾರಿ ಅವರ ಮದುವೆಯ ವಿಚಾರ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ. ವಿಶೇಷವಾಗಿ ಮುಸ್ಲಿಂ ಯುವಕ ಫರ್ಮಾನ್ ಖಾನ್ ಅವರನ್ನು ಮದುವೆಯಾಗಿರುವುದರಿಂದ ಈ ವಿಷಯ ಹೆಚ್ಚು ವೈರಲ್ ಆಗುತ್ತಿದೆ. ಕೆಲವರು ಈ ಮದುವೆಯನ್ನು ಕೇರಳ ಮತ್ತು "ಲವ್ ಜಿಹಾದ್" ವಿವಾದಗಳಿಗೆ ಸಂಪರ್ಕಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಪೋಸ್ಟ್ ಮಾಡುತ್ತಿದ್ದಾರೆ. ಆದರೆ ಈ ಜೋಡಿಯ ಪ್ರೇಮಕಥೆ ಬೇರೆ ರೀತಿಯಲ್ಲಿ ಆರಂಭವಾಗಿದೆ ಎಂದು ಫರ್ಮಾನ್ ಖಾನ್ ಹೇಳಿದ್ದಾರೆ.
ಮಾಧ್ಯಮದೊಂದಿಗೆ ಮಾತನಾಡಿದ ಫರ್ಮಾನ್ ಖಾನ್, "ನಾವು ಮೊದಲಿಗೆ ಒಂದು ಶೂಟಿಂಗ್ ಸೆಟ್‌ನಲ್ಲಿ ಭೇಟಿಯಾಗಿದ್ದೇವೆ. ನಾನೂ ಒಬ್ಬ ನಟ. ಇಬ್ಬರೂ ಒಂದೇ ಪ್ರಾಜೆಕ್ಟ್‌ನಲ್ಲಿ ಕೆಲಸ ಮಾಡುತ್ತಿದ್ದೆವು. ಅಲ್ಲಿ ಪರಿಚಯವಾಗಿದ್ದು ನಂತರ ಸ್ನೇಹ ಪ್ರೀತಿಯಾಗಿ ಬದಲಾಗಿದೆ," ಎಂದು ತಿಳಿಸಿದ್ದಾರೆ. ಅವರ ಪ್ರಕಾರ, ಮೊದಲು ಪ್ರಪೋಸ್ ಮಾಡಿದವರು ಮೋನಾಲಿಸಾ. "ಅವಳಿಗೆ ನಾನು ಇಷ್ಟವಾಗಿದ್ದೆ. ಆದರೆ ಇಬ್ಬರೂ ಬೇರೆ ಧರ್ಮದವರಾಗಿದ್ದ ಕಾರಣ ನಾನು ಮದುವೆಗೆ ಮೊದಲಿಗೆ ಒಪ್ಪಲಿಲ್ಲ. ಆದರೆ ಅವಳು ಒತ್ತಾಯ ಮಾಡಿದ ಕಾರಣ ಬಳಿಕ ನಾನು ಒಪ್ಪಿಕೊಂಡೆ," ಎಂದು ಫರ್ಮಾನ್ ಹೇಳಿದ್ದಾರೆ.
ಇವರ ಮದುವೆ ಕೇರಳದಲ್ಲಿ ನಡೆದಿದ್ದು, ದೇವಸ್ಥಾನದಲ್ಲಿ ಸರಳವಾಗಿ ವಿವಾಹ ನೆರವೇರಿಸಿಕೊಂಡಿದ್ದಾರೆ. ಮೋನಾಲಿಸಾ ಕುಟುಂಬದಿಂದ ವಿರೋಧ ಇದ್ದ ಕಾರಣ ಪೊಲೀಸರು ಭದ್ರತೆ ನೀಡಿದ್ದರು ಎಂದು ಫರ್ಮಾನ್ ಖಾನ್ ತಿಳಿಸಿದ್ದಾರೆ. "ಕೇರಳ ತುಂಬಾ ಸುಂದರ ಸ್ಥಳ. ಇಲ್ಲಿನ ಜನರು ತುಂಬಾ ಒಳ್ಳೆಯವರು. ನಮ್ಮ ಮದುವೆಗೆ ಸಹ ಬೆಂಬಲ ನೀಡಿದ್ದಾರೆ. ಈಗ ಮದುವೆಯ ರಿಜಿಸ್ಟ್ರೇಷನ್ ಕೂಡ ಆಗಿದೆ," ಎಂದು ಫರ್ಮಾನ್ ಖಾನ್ ಮೊಬೈಲ್‌ನಲ್ಲಿ ದಾಖಲೆ ತೋರಿಸಿದ್ದಾರೆ.

Author:

ಪ್ರತಿ ಕ್ಷಣದ ರಾಜ್ಯ, ರಾಷ್ಟ್ರ, ಅಂತರರಾಷ್ಟ್ರೀಯ ಮಟ್ಟದ ಸುದ್ದಿಗಳ ಸರಳ ನಿರೂಪಣೆ. ನೇರ, ನಿಷ್ಠುರ, ಸ್ಪಷ್ಟ ಮತ್ತು ನೈಜ ಸುದ್ದಿಗಳನ್ನುಒದಗಿಸುವುದರ ಜೊತೆಗೆ ಜಗತ್ತಿನಾದ್ಯಂತ ನಡೆಯುವ ವಿದ್ಯಮಾನಗಳ ಸಾಧಕ-ಬಾಧಕಗಳ ಕುರಿತು ಮಾಹಿತಿಗಳನ್ನು ಸಮಗ್ರವಾಗಿ ಒದಗಿಸುವ ಗುರಿಯನ್ನು ಕಳೆದ 10 ವರ್ಷಗಳಿಂದ ಸ್ಪೀಡ್‌ ನ್ಯೂಸ್‌ ಕನ್ನಡ ಹೊಂದಿದೆ.