- ЁЯМбя╕П : 33.3┬░C, Bengaluru, India
- About Us
- Contact Us
2026-03-07 04:55:33
ಮುಂಬೈ: ಅಂತಾರಾಷ್ಟ್ರೀಯ ಮಾರುಕಟ್ಟೆಯ ಬೆಳವಣಿಗೆಯ ಪ್ರಕಾರ ಚಿನ್ನದ ಬೆಲೆಯಲ್ಲಿ ಮಂಗಳವಾರ (ಫೆ.17) ಕೊಂಚ ಇಳಿಕೆ ಕಂಡಿದ್ದು, 24 ಕ್ಯಾರೆಟ್ ನ 8ಗ್ರಾಂ ಚಿನ್ನದ ಬೆಲೆ 1,20,208 ರೂಪಾಯಿಗೆ ಇಳಿಕೆಯಾಗಿದೆ. ಬೆಂಗಳೂರಿನಲ್ಲಿ 22 ಕ್ಯಾರೆಟ್ ನ 8 ಗ್ರಾಂ ಚಿನ್ನದ ಬೆಲೆ 1,14,480 ರೂಪಾಯಿಗೆ ಇಳಿಕೆಯಾಗಿದೆ.
18 ಕ್ಯಾರೆಟ್ ನ ಒಂದು ಗ್ರಾಂ ಚಿನ್ನದ ಬೆಲೆ 11,618 ರೂಪಾಯಿಗೆ ಇಳಿದಿದೆ ಎಂದು ವರದಿ ತಿಳಿಸಿದೆ.ಸೋಮವಾರ 24 ಕ್ಯಾರೆಟ್ ನ 8 ಗ್ರಾಂ ಚಿನ್ನದ ಬೆಲೆ 1,25,152 ರೂಪಾಯಿಗೆ ಏರಿಕೆಯಾಗಿತ್ತು. 22 ಕ್ಯಾರೆಟ್ ನ 8 ಗ್ರಾಂ ಚಿನ್ನದ ಬೆಲೆ 1,14,720 ರೂಪಾಯಿಗೆ ಏರಿತ್ತು.ಕಳೆದ ಸೆಪ್ಟೆಂಬರ್ನಿಂದ ವೇಗವಾಗಿ ಏರುತ್ತಿದ್ದ ಚಿನ್ನದ ಬೆಲೆ ಜನವರಿ 29 ರಂದು ದಾಖಲೆಯ ಗರಿಷ್ಠ ಮಟ್ಟವನ್ನು ತಲುಪಿತ್ತು. ಒಂದು ಗ್ರಾಂ ಚಿನ್ನದ ಬೆಲೆ 16,800 ರೂ. ಹಾಗೂ ಒಂದು ಪವನ್ ಬೆಲೆ 1,34,400 ರೂ.ಗಳಿಗೆ ಏರಿಕೆಯಾಗಿತ್ತು. ಆದಾಗ್ಯೂ, ಜನವರಿ 30 ರಂದು, ಬೆಲೆ ಇದ್ದಕ್ಕಿದ್ದಂತೆ ಶೇ.10ಕ್ಕಿಂತ ಹೆಚ್ಚು ಕುಸಿದಿದ್ದು, ಕಳೆದ 15 ದಿನಗಳಲ್ಲಿ, ಇದು ಗಮನಾರ್ಹವಾಗಿ ಏರಿಳಿತಗೊಂಡಿದೆ.
ಚಿನ್ನದ ಬೆಲೆ 80,000 ರೂ.ಗೆ ಇಳಿಕೆ ಸಾಧ್ಯತೆ?
ಈ ಅನಿಶ್ಚಿತತೆಯ ನಡುವೆ, ಖರೀದಿದಾರರಿಗೆ ಒಂದು ಶುಭ ಸುದ್ದಿ ಇದೆ. ಚಿನ್ನದ ಬೆಲೆ (8 ಗ್ರಾಂ) 80,000 ರೂಪಾಯಿಗೆ ಇಳಿಕೆಯಾಗುವ ಸಾಧ್ಯತೆ ಇದೆ ಎಂದು ಬ್ಲೂಮ್ ಬರ್ಗ್ ವರದಿ ತಿಳಿಸಿದೆ. ಚಿನ್ನದ ಬೆಲೆ ಏರಿಕೆಯ ಹಿಂದೆ ರಷ್ಯಾದ ನಿಲುವು ಪ್ರಮುಖ ಅಂಶವಾಗಿದ್ದರೂ, ಈಗ ಅದು ಕುಸಿತಕ್ಕೆ ಕಾರಣವಾಗಬಹುದು ಎಂಬುದು ಮಾರುಕಟ್ಟೆ ತಜ್ಞರ ಅಭಿಪ್ರಾಯವಾಗಿದೆ.
ತಜ್ಞರ ಪ್ರಕಾರ, ಕಳೆದ ಆರು ತಿಂಗಳುಗಳಲ್ಲಿ ಚಿನ್ನದ ಬೆಲೆ ಏರಲು ಕಾರಣವಾದ ಪರಿಸ್ಥಿತಿಗಳು ಬದಲಾಗಿವೆ. ಇದು ಚಿನ್ನದ ಬೆಲೆ ಇಳಿಕೆಗೆ ಕಾರಣವಾಗಬಹುದು. ಅಮೆರಿಕದ ಜತೆಗಿನ ಉದ್ವಿಗ್ನತೆಯಿಂದಾಗಿ, ರಷ್ಯಾ ಅಂತಾರಾಷ್ಟ್ರೀಯ ವ್ಯಾಪಾರದಲ್ಲಿ ಯುಎಸ್ ಡಾಲರ್ ಬಳಕೆಯನ್ನು ಮಿತಿಗೊಳಿಸಿತ್ತು. ಆದರೂ ಇತ್ತೀಚಿನ ವರದಿ ಪ್ರಕಾರ ರಷ್ಯಾ ಡಾಲರ್ನ ಪೂರ್ಣ ಬಳಕೆಯನ್ನು ಪುನರಾರಂಭಿಸಲು ಸಿದ್ಧವಾಗಬಹುದು. ಇದರಿಂದ ಚಿನ್ನದ ಬೆಲೆಯಲ್ಲಿ ಗಮನಾರ್ಹ ಇಳಿಕೆಯಾಗಬಹುದು ಎಂದು ತಿಳಿಸಿದೆ.ಇತ್ತೀಚಿನ ತಿಂಗಳುಗಳಲ್ಲಿ, ಚೀನಾ, ಭಾರತ, ಬ್ರೆಜಿಲ್ ಮತ್ತು ದಕ್ಷಿಣ ಆಫ್ರಿಕಾದಂತಹ ದೇಶಗಳು ಅಮೆರಿಕ ಅಧ್ಯಕ್ಷ ಟ್ರಂಪ್ ಅವರ ತೆರಿಗೆ ನೀತಿಯಿಂದಾಗಿ ತಮ್ಮ ಚಿನ್ನದ ಖರೀದಿಯನ್ನು ಹೆಚ್ಚಿಸಿವೆ ಎಂದು ವರದಿಯಾಗಿದೆ. ಮತ್ತೊಂದೆಡೆ ಈ ದೇಶಗಳು ಚಿನ್ನ ಖರೀದಿಯನ್ನು ಕಡಿಮೆ ಮಾಡುವ ಸಾಧ್ಯತೆ ಇದ್ದಿರುವುದಾಗಿ ವರದಿ ವಿವರಿಸಿದೆ.
ಪತ್ರಿಕೋದ್ಯಮದಲ್ಲಿ ಮೂರು ದಶಕಗಳ ಅನುಭವ ಹೊಂದಿದ್ದು, ದೃಶ್ಯ ಮತ್ತು ಮುದ್ರಣ ಮಾಧ್ಯಮದಲ್ಲಿ ಪರಿಣಿತಿ ಪಡೆದಿದ್ದಾರೆ. ರಾಜಕೀಯ, ದೇಶ, ಅಂತಾರಾಷ್ಟ್ರೀಯ ವಿದ್ಯಾಮಾನಗಳಲ್ಲಿ ವಿಶೇಷ ಆಸಕ್ತಿ. ರಾಜಕೀಯ ವರದಿಗಾರಿಕೆಯಲ್ಲಿ ಪಳಗಿರುವ ಇವರು ಕುಳಿತಲ್ಲೇ ಸುದ್ದಿಯನ್ನು ಹೆಕ್ಕಿ ತೆಗೆಯಬಲ್ಲ ಛಾತಿ ಹೊಂದಿದ್ದಾರೆ. ಸಾಹಿತ್ಯ ವಿದ್ಯಾರ್ಥಿಯಾದ ಇವರು ಕನ್ನಡ ಮತ್ತು ಇಂಗ್ಲೀಷ್ ಸಾಹಿತ್ಯದ ವಿದ್ಯಾರ್ಥಿಯಾದ ಇವರು ಉತ್ತಮ ಓದುಗರೂ ಹೌದು.